ليلى ايت سعيد الفاهم مابغى يفهــم والقاري مابغى يتهجى حروفــــو الليل زاد ظلم والحب طار دار جنحيــــــــن وخلاهم يشوفوا الي شاف شي يقول الله يستر اميــــــــن .. امين يارب العالمين هذي كلمة من سنين معجونة بالذل والهوان مخلطة بدم كل البلدان ريحة الغدر والقوالب فاحت وعطات باراكــــــــا باراكـــــــــا هادشي بزاف هادشي خاصو شواف الي يفك ويحل رموزو ويعوم عومو ويجري ضدد التيار وما يتسنا يطلع عليه نهار حمر قاني صكع مطيار بقاوا ..نعومو ضدد التيار علاش لا ما عندنا مايدار والايام كتلاشا والعود رشى والسووايع بدالة وكلشي في يد الاقدار هكذا شاف الشواف فرق كليمات ماسمنات من الجوع ، ماغنات
جيبو الحرمل والجاوي جيبــوا اللبان وسبع جناوي باش نقتلوا هاد الشيطان جيبو فروج كحل جيبو قصعة بيد الميت تكسكسات جيبو زوهري يكون فحل يعرف لينا مكان اللويز والذهوبات .. جيبوا اثر فلان وبحق شاروخان وشرخان والجن جنجان نحببوه في هذيك الشيطانة وجيب وجيب وارى حيت هاك وارى مافيها حزارة وبقا الشواف يشوف للفاهم الي مابغا يفهم وللقاري الي مابغا يتهجا حروفوا 21/03/2006
الاحد, 30 مارس, 2008
الفاهــــم يفهم
أضف تعليقا
أضف تعليقا
<<الصفحة الرئيسية
من المغرب
المبدعة المحترمة ليلى
جميل منك أن تقاربي جنس أدبي -الزجل- بلغة تغوص في مسام جدورنا الضاربة في تخوم اليومي والواقعي، والحاضنة للحكايا والسرود والأمتال الممتطية لصهوات الخرافي.
يوما عن يوم بل بوحا عن بوح-النص- أكتشف-نكتشف- أنك تحملين ظمأ إبداعي، فهنيئا لنا بك مبدعة تخوضين غواية الأزجال.
مع خالص مودتي
أحمد باخوص